Dy gjigantët e futbollit spanjoll do të përballen mbrëmjen e sotme në një ndeshje që mund të shënojë disa rekorde. Zinedine Zidane do të bëjë debutimin e tij si trajner në “El Clasico” dhe sot do të kuptohet përfundimisht nëse francezi është trajneri i duhur për të drejtuar Real Madrid edhe në vitet e ardhshme. Luis Enrique, nga ana tjetër, ka marrë pjesë në shumë përballje të tilla. Spanjolli ka luajtur me Real dhe Barcelona gjatë karrierës së tij si futbollist. Messi mund të realizojë golin e tij numër 500 në karrierë Lionel Messi ka realizuar 499 gola deri tani, 449 prej të cilëve i ka shënuar me fanellën e Barcelona-s dhe 50 me atë të Argjentinës.
Goli numër 500 është një arritje e jashtëzakonshme, por do të ishte akoma më e veçantë nëse do të vinte kundër rivalëve historikë. Këtë e ka pranuar edhe vetë argjentinasi. “Do të ishte një moment i bukur ta arrija atë shifër kundër Real Madrid. Do të ishte bukur edhe sikur të fitonim dhe të thellonim diferencat me Real-in”, ka thënë Messi para gazetarëve kur është pyetur për mundësinë e realizimit të golit të 500-të në “El Clasico”. Real mund të realizojë golin numër 100 në La Liga në “Camp Nou” Real ka realizuar 99 gola në transfertat e luajtura kunër Barcelona në kampionat Real Madrid dhe Barcelona janë ndeshur 550 herë vetëm në La Liga, me madrilenët që kanë shënuar 278 gola kundër 272 realizimeve të kundërshtarit. 99 nga këto 278 realizime kanë ardhur në “Camp Nou”.
Shumë tifozë dhe lojtarë ndoshta nuk e kuptojnë, por nëse “Los Blancos” shënojnë vetëm një gol mbrëmjen e sotme, ata do të kenë realizuar një shekull me gola në transfertë kundër Barcelona-s në kampionat. Barcelona kërkon ndeshjen e 40 radhazi pa humbje Katalanasit nuk pësojnë humbje prej 39 ndeshjesh të njëpasnjëshme Një fitore (ose barazim) për Messi-n me shokë mbrëmjen e sotme do ta dërgonte në 40 numrin e ndeshjeve të njëpasnjëshme pa pësuar humbje për katalanasit. Humbja e fundit për lojtarët e Luis Enrique është regjistruar në tetor të 2015-ës, kur Barça është mundur 2-1 në fushën e Sevilla-s.
BBC mund të regjistrojë fitoren e parë në “El Clasico” Benzema, Bale dhe Ronaldo kanë luajtur bashkë tri ndeshje kundër Barçës, duke marrë tri humbje Treshja e artë e Real Madrid, Bale, Benzema dhe Cristiano Ronaldo, të njohur nga të gjithë si BBC, nuk ka fituar asnjëherë përballjen me Barcelona-n. Të tre këta lojtarë kanë luajtur bashkë në tre ndeshje kundër katalanasve deri tani, duke i humbur të gjitha. Ndoshta, kjo statistikë do të ndryshojë mbrëmjen e sotme.
