Dënohet me 5, 6 vite burg ish-kreu i VEFA-s, Vehbi Alimuça

Foto arkive e ish bosit te firmes piramidale VEFA, Vebi Alimucaj, gjate nje seance gjygjsore ne gjykaten e faktit te Tiranes. Mucaj i cili po vuan denimin ne burg ka folur per emisionin Opinion te gazetarit Blendi Fevziu ne TV KLAN.

Gjykata ka dhënë sot vendimin për dënimin me pesë vjet e gjysmë burg të ish-kreut të VEFA-s Vehbi Alimuça, i cili akuzohej për ‘Pastrim parash’, ndërkohë që Prokuroria kishte kërkuar 6 vite dënim.

Ish-bosi i firmës piramidale që i mori kursimet mijëra shqiptarëve përgjatë viteve 1994-1997, i dënuar me parë për mashtrim, kësaj here përballet me akuzën për pastrim parash. Alimuça do të përfitojë nga gjykimi i shkurtuar duke bërë më pak vite burg.

Ndërkohë, për të njëjtën fakt penal, Gjykata e Tiranës ka pranuar kërkesën e Prokurorisë pak muaj më parë dhe ka dënuar me 4 vjet burgim edhe djalin e tij, shtetasin Artan Alimuçaj.

Nga hetimi ka rezultuar se shtetasi Vehbi Alimuçaj, i cili ka qenë administrator i firmës piramidale “Vefa”, është dënuar për veprën penale të “Mashtrimit” për një numër shumë të madh personash, rezulton se ka pasur një llogari bankare në një bankë në Hungari në shumën 328 mijë dollarë.

LEXO EDHE  Sekuestrohet sërisht kokainë në Portin e Durrësit/ Detajet

Po ashtu, rezulton se në të njëjtën bankë, djali i tij, shtetasi Artan Alimuçaj ka pasur një llogari bankare në shumën 647 mijë dollarë. Sipas hetimit të prokurorisë, rezulton se këto para janë të prejardhura nga aktiviteti i paligjshëm “Mashtrim” i shtetasit Vehbi Alimuçaj deri në vitin 1997, kohë kur u rrëzua skema e tij piramidale.



PËRGJIGJU

Please enter your comment!
Please enter your name here