Seancën e sotme parlamentare e ka hapur kreu i grupit parlamentar, Edi Paloka, ku ka thënë se opozita nuk do të dalë jashtë sallës së parlamentit por do të qëndrojë në këmbë në shenjë proteste.
“Sot do të rrijmë në këmbë derisa kjo mazhorancë ti kthejë legjitimitetit kushtetutës”, tha ai.
Ashtu siç kishin paralajmëruar edhe më parë, opozita është ngritur në këmbë dhe ka bllokuar foltoren e parlamentit duke penguar diskutimet e mëtejshme në seancën e sotme.
Menjëherë ka reaguar Kreu i grupit parlamentar të PS-së ,Gramoz Ruçi, i cili i ka bërë thirrje Opozitës të ulet dhe të lejojë vijimin e seancës parlamentare me diskutime e mëtejshme.
Në fjalën e tij Paloka ka parashtruar katër kërkesat e PD-së që kanë sjellë bllokimin e foltore.
Ai ka kërkuar të respektohet ligji i dekriminalizimit ku të bëhet një ligj që të mos inkriminohet parlamenti, të krijohen kushtet për dialog politik për reformën në drejtësi, të mos shkelet kushtetuta si dhe në parlament të mos ketë deputet që kërkojnë fonde publike.
DENONCO