Zaha Hadid, një prej arkitekteve më të famshme të botës ka ndërruar jetë në moshën 65 vjecare pas një infarkti në zemër.
Hadid e njohur ndryshe si “mbretëresha e harqeve” është gruaja e parë që ka fituar cmimin “Pritzker” I konsideruar si Nobeli I Arkitekturës. Ajo ishte autore e disa veprave të njohura në të gjithë botën
Bota e arkitekturës është në zi. Arkitektja e famshme britanike me origjinë irakiane, Zaha Hadid, e ashtuquajtura “mbretëresha harqeve” ka ndërruar jetë nga një infarkt zemre në një spital në Majemi të Shteteve të Bashkuara të Amerikës
Hadid është gruaja e parë që fitoi çmimin “Pritzker Architecture Prize”, që konsiderohet si Nobeli i arkitekturës, ajo ishte gjithashtu e para grua që morri medaljen prestigjoze me flori mbretëror për arkitekturën në vitin 2016.
Zaha Hadid, është e njohur si arkitektja e shumë veprave në të gjithë botën, mes të cilave trampolinën e hedhjes me ski të Innsbruck në Austri, operën Canton në Kinë dhe të Cardiff në Wells, MAXXI (muzeu kombëtare i arteve të shekullit XXI) në Romë si dhe kullën e grupit të tretë të transportit detar botëror CMA-CGM në Marsejë.
Personalitete të politikës, artit e kulturës në të gjithë botën kanë reaguar për lajmin e vdekjes së arkitektes së famshme e duke e konsideruar atë dhe veprën e saj frymëzuese
Zaha Hadid kishte lindur në Bagdad në vitin 1950. Ajo studioi matematikë në Universitetin Amerikan të Beyrouth para se të specializohej tek prestigjozja “Architectural Association of London”, ku morri diplomën në vitin 1977, më pas ajo do të rikthehet këtu si pedagoge.
