Pas shpërthimit në Lahore ku u vranë 70 njerëz, Kryeministri i Pakistanit, Naëaz Sharif e ka anuluar vizitën në Shtetet e Bashkuara të Amerikës. Këtë e njofton Shtëpia e Bardhë ku mësohet se Sharif kishte planifikuar ta ndiqte samitin për siguri bërthamore, të organizuar nga Obama në Uashington.
“Presidenti Obama ka shprehur mirëkuptim ndaj vendimit të kryeministrit Sharif për ta anuluar vizitën në SHBA dhe qëndrimin e tij në Pakistan për t’i ndjekur zhvillimet që lidhen me këtë sulm terrorist”, thuhet në njoftimin e Shtëpisë së Bardhë.
Obama gjithashtu ka shprehur ngushëllimet e tij dhe e ka quajtur sulmin “të pashpirt dhe të tmerrshëm”. Në mesin e viktimave kishte shumë fëmijë dhe gra, dhe shumë myslimanë e të krishterë ndodheshin aty, për të festuar Pashkët, në një park publik.
