Ish-futbollisti i Real Madridit, Julio Baptista, e ka lavdëruar Cristiano Ronaldon, por thotë se portugezi nuk mund ta fitojë vetëm një ndeshje.
Los Blancos janë mysafirë të Barcelonës këtë fundjavë dhe e gjithë vëmendja e madrilenëve është te CR7.
“Cristiano nuk luan vetëm, ai luan me dhjetë lojtarë të tjerë. Ai është fenomenal, por pas tij duhet të ketë një skuadër që luan po aq mirë”.
“Nëse skuadra nuk e gjen mënyrën e lojës që të përfitojë nga ai, atëherë nuk bën kurrfarë ndryshimi prania e tij në fushë. Mund ta kenë këdo në botë dhe nuk do të kishte sukses”, ka sqaruar braziliani.
