Balla: Opozita ka hall të madh, Strazimirin!

Jashtë dyerve të seancës parlamentare, nënkryetari i grupit parlamentar të Partisë Socialiste, Taulant Balla deklaroi se Partia Demokratike po bën një sjellje të papranueshme në seancën parlamentare.

“Dua të ripërsëris para opinionit publik një sjellje të papranueshme të PD-së ndaj Kuvendit dhe foltores. Është e papranueshme dhuna e minorancës ndaj fjalës së lirë. Kishin një hall të madh, mungesa në seancë e Gent Strazimirit dhe çështja penale që lidhet me të. Janë 2 nene që e fajësojnë deputetin. Shqiptarët e kuptojnë se kush do vërtetë shtet dhe kush janë ata që respektin e ligjit e kanë vetëm fjalë. Dje kryeministri, kreu i PS-së ka bërë një ftesë publike për të ngritur në një dialog të nivelit të lartë komunikimin mes shumicës dhe pakicës dhe për të rikonfirmuar atë që ne jemi për vepra, sot Rama i ka nisur zyrtarisht një letër publike kryetarit de jure të SHQUP-it zotit Basha për një dialog për çështje të rëndësishme të reformës në drejtësi. Këtu duhet bërë dallimi se kush është për vepra dhe kush për fjalë”, deklaroi Balla.

LEXO EDHE  A jeni gati të shkoni në Beograd dhe t´i kërkoni Kurtit ti bashkohet "Open Balkan"? Ja ç´thotë Rama

Deputeti socialist theksoi se pavarësisht situatës dhe sjelljes së opozitës, axhenda e integrimit dhe reforma në drejtësi duhet të shkojnë përpara.

“Jemi njerëz që duam institucionet, na vjen keq që dhunohen punonjësit e Policisë së Shtetit nga deputetë me mandat, na vjen keq që shkelet ligji nga deputetët si Strazimiri. Axhenda e rëndësishme e integrimit dhe e reformës në drejtësi duhet të shkojë përpara. Ky ishte mesazhi i zotit Hahn dhe mesazhi i ftesës së kryeministrit për zotin Basha. Ka një hezitim nga ana e kreut të PD. Ata që kërkuan dialog sot që iu vjen ftesa nuk përgjigjen”, tha Balla.



PËRGJIGJU

Please enter your comment!
Please enter your name here