Prokuroria e Tiranës kërkon nga gjykata që të caktojë masën e “detyrimit për paraqitje” për 13 të arrestuarit në flagrancë nga ana e Policisë gjatë konfrontimeve fizike në zonën e Liqenit Artificial, në Tiranë.
Në kërkesat e saj drejtuar gjykatës, Prokuroria kërkon që të vlerësohet i ligjshëm arresti, si edhe të vendoset që personat të dalin nga ambjentet e Policisë së Tiranës, në të cilat kanë qëndruar dy ditët e fundit.
Prokuroria e Tiranës, në bazë të referimit të Policisë së Shtetit, kërkon të vijojë të kryejë hetime në gjendje të lirë për shtetasit Grigels Muçollari, Indrit Hoxha, Erjon Dizdari, Franci Doka, Geraldo Metko, Silvio Sheme, Jurgen Kupi, Soven Sheme, Arlind Kajo, Klejti Kalaja, Ndriçim Babasi, Behar Hasa si dhe Tonin Kolthi.
Në bazë të materialeve të referuara nga Policia, 13 personat dyshohet se kanë kryer veprat penale të “Kundërshtimit të punonjësit që kryhen një detyrë shtetërore apo një shërbim publik”,;“Organizimi dhe pjesëmarrje në grumbullime dhe manifestime të paligjshme”; “Shkatërrim prone” dhe “Prishje e rendit dhe qetësisë publike”, kryer në bashkëpunim.
DENONCO