Disa të dhëna të publikuara nga mediat ndërkombëtare tregojën se xhihadistët që ndërmorrën sulmet në aeroportin dhe metrotë e Brukselit, kishin kërkuar informacione për zyrën dhe shtëpinë e kryeminstrit belg Charles Michel.
Të dhënat janë zbuluar në kompjuterin e sulmuesve, u cili është gjendur në një kosh mbeturinash. Mësohet se është zbuluar edhe mesazhi përfundimtar i një prej atentatorëve, Brahim El Bakroui, i cili ankohet prej gjurmimit të policisë dhe shprehet se nuk ndihet i sigurtë askund.
Tashmë është bërë identifikimi i të gjitha viktimave të ngjarjes tronditëse. 17 prej tyre ishin shtetas belgë, ndërsa të tjerët kishin kombësi të ndryshme nga të gjitha vendet e botës. Ndërkohë, 94 persona vazhdojnë të mbeten në spital, e me dhjetëra prej tyre janë në terapi intensive. Funerali i parë i zhvilluar është ai i Raghavendran Ganeshan, trupi i të cilit u kthye të martën në Indi.
Ndërkohë një kompjuter u zbulua një ditë pas sulmeve në një kosh mbeturinash të rrugës “Max Roos”, në zonën Schaerbeek. Të 3 të dyshuarit e shfaqur në pamjet e kamerave të sigurisë së aeroportit ishin larguar me taksi prej një shtëpie në të njëjtën rrugë, shoferi i së cilës e çoi më vonë policinë në banesën ku u gjetën lëndë plasëse.
Që prej sulmeve të 22 marsit, Belgjika gjendet në masa të rrepta sigurie dhe alarmi është në nivelin 4.
