Paraqiten si punonjës të gazit, shqiptari e italiani arrestohen për grabitje

Dy persona hyjnë në shtëpinë e një të moshuare për të nënshkruar kontratën e re të gazit, por qëllimi i vërtetë ishte për ta grabitur.

Rasti është regjistruar sot në mesditë në Savona të Italisë, kur shqiptari Altin Verushi, 45-vjeç dhe Angelo Maurici, 27-vjeç, banues në Genova, kanë tentuar të grabisin të moshuarën.

Megjithëse, 88 vjeçe, e moshuara i ka telefonuar vajzës së saj duke i thënë se po nënshkruante një kontratë të re për gazin.

Vajza është alarmuar dhe ka lajmëruar policinë, e cila me të mbërritur në vendin e ngjarjes arrestoi dy personat.

LEXO EDHE  Viktima e parë nga zjarret, Meta apel Qeverisë: Merrni masa serioze

Forcat e rendit e gjetën të moshuarën duke u bërë kafe grabitësve, teksa njëri prej tyre ishte vënë në lëvizje duke kryer kontrolle të imtësishme për sendet me vlerë, ndërsa tjetri po fliste me të moshuarën.

Sipas “Savonanews”, policia zhvilloi kontrolle edhe në automjetin e tyre Audi A4, i cili u sekuestrua. Ata akuzohen për tentativë vjedhje në rrethana rënduese. Nesër pritet të dalin përpara gjykatës për t’u njohur me masën e sigurisë.



PËRGJIGJU

Please enter your comment!
Please enter your name here