Zgjedhjet për Rektorë dhe Dekan kanë hyrë në fazën finale, atë të votimit. Dhori Kule, i cili prej dy mandatesh mban postin e Rektorit të Universitetit të Tiranës nuk do të rikandidojë më pasi Ligji i Ri për Arsimin e Lartë nuk lejon kandidimin për një mandat të tretë.
Ndërkohë Klodeta Dibra dhe Mynyr Koni janë dy kandidatët që do të garojnë për Rektor të Universitetit të Tiranës, detyrë që aktualisht mbahet nga Dhori Kule.
Profesore Dibra 50 vjeçe aktualisht është Dekane në Fakultetin e Gjuhëve të Huaja, ndërsa Profesor Koni 52 vjeç është Dekan në Fakultetin e Shkencave të Natyrës.
