Është shpallur në kërkim autori i atentatit të ngjarjes së djeshme në Elbasan, pasi është bërë e mundur dhe identifikimi i tij. 20- vjeçari me iniciale XH.R qëlloi me armë zjarri ndaj 42vjecarit, Qani Zylyfi në rrugën “Rinia”, në Elbasan.Atentatori ka qenë i dënuar më parë për veprën penale “Plagosje e rëndë me dashje dhe armëmbajtje pa leje” njofton policia. Ngjarja ka ndodhur rreth orës 20:30, kur 20 vjeçari i armatosur ka hapur zjarr nga një makinë tip “BMË”, teksa ishte në lëvizje.
Shtetasi Q.A, 42vjeç, banues në Elbasan, u dërgua menjëherë në Spitalin Rajonal Elbasan dhe ndodhet jashtë rrezikut për jetën.
Sipas policisë, grupi hetimor, ka gjetur dhe sekuestruar në vendngjarje në cilësinë e provës materiale: Një gëzhojë model 54 me kapsollë të goditur. “Ndaj shtetasit XH.R, janë referuar materialet hetimore në Prokurorinë e Rrethit Gjyqësor Elbasan për veprat penale “Vrasje me dashje mbetur në tentativë” dhe “Prodhimi dhe mbajtja pa leje e armëve luftarake dhe e municionit” njofton policia.
