Një javë pas shpërthimeve në Brukesl, aeroporti i Zventemit ka rihapur dyert dhe stafi është kthyer në punë. Por, drejtori i tij ka deklaruar se do të duhen muaj që të rikthehet në funksionim si përpara sulmeve terroriste.
Stafi drejtues i aeroportit parashikon që ditën e mërkurë aeroporti të funksionojë me një kapacitet prej 20%, ndërsa për tu kthyer në gjendjen e për të funksionuar me kapacitet të plotë, do të duhet të kalojnë disa muaj. Fillimsiht fluturimet do të fillojnë me nga 800 deri në 1000 pasagjerë në orë, krahasuar me 5000 që ka qenë përpara 22 marsit.
Si pasojë e sulmeve të së martës së kaluar, mbetën 35 persona të vdekur, ndërsa 95 ndodhen ende në spital. Katër prejt tyre vdiqën disa ditë më vonë, ndërsa ende 3 prej viktimave nuk janë identifikuar ende.
Institucionet e Bashkimit Evropian janë rihapur këtë të martë, mes masash të rrepta sigurie. Shumë ngjarje të organizuara nga organet e Unionin janë anulluar si dhe kanë filluar kontrolle ndaj çdo personi që hyn në godinat e institucioneve evropiane.
Autoritetet belge kanë pranuar se shërbimet e tyre të inteligjencës kanë gabuar në hetimet përpara dhe pas 22 marsit.
Ndërkohë mësohet se një prej të dyshuarve lidhur me sulmin, gazetari i arrestuar është lënë i lirë, pasi nuk ka pasur prova të mjaftueshme për të vërtetuar akuzat ndaj tij.
