Humbja e avionit të linjës Vjenë Luksemburg dy ditë më parë nga Kombëtarja shqiptare ka acaruar jo pak drejtuesit e FSHF-së.
Përveç dëmtimit moral, pasi këtu futet edhe imazhi i kuqezinjve, ky rast i paprecedentë pati një kosto jo të vogël për institucionin e futbollit. Burime të “Panorama Sport” pranë federatës treguan dje se janë dashur të shpenzohen edhe 50 mijë euro të tjera nga shuma e parashikuar për udhëtimet e skuadrës në dy transferta.
