Pamje filmike që dëshmojnë si sulmet ajrore të forcave të Ushtrisë së Millosheviçit sulmonin civilët e Kosovës para sulmeve ajrore, por edhe gjatë aksioneve të NATO-s, janë transmetuar për herë të parë nga Radio Televizioni i Serbisë (RTS), transmeton “Telegrafi”.
Në një reportazh të gjatë të emetuar në RTS, ky televizion sjell një reportazh dhe bisedë me ish-Komandantin luftarak të forcave serbe Sreto Milanoviç, i cili më vonë ishte graduar në Gjeneral kurse tashti është në pension. Milanoviç rrëfen sesi objektiv primar i këtyre sulmeve ishin bazat e UÇK-së dhe se avionët serbë e tij ishin kthyer “shëndosh” pas fluturimeve. RTS në këtë bisedë raporton që sulmet e avionëve të ushtrisë serbe të tipit “Shqiponja” kishin patur si objektiv bazat e UÇK-së, por asnjëherë nuk përmendet civilët e vrarë në këto sulme, raporton “Telegrafi”.
