Qytetarët po rrisin interesin për të vendosur në banka, kursimet e tyre në ar, si një nga mënyrat e reja më fitimprurëse pas rënies së fitimeve nga depozitat në lekë dhe euro.
Ekspertët bankarë shprehen se, këtë vit është rritur ndjeshëm mënyra për të investuar paratë në alternativa të reja dhe konkretisht në ar ose flori. Sipas tyre, kjo për dy arsye, pasi çmimi i floririt në bursa është rritur me 15%, dhe së dyti, interesi që qytetarët marrin nga depozitat në euro ose lek po arrin nivele negative.
Që prej nisjes së krizës botërore, çmimi i arit ka njohur një rritje të menjëhershme. Disa muaj më parë, ai filloi të normalizohej, por me sa duket pasiguria që ekziston në monedha të ndryshme do ta mbajë atë të lartë edhe për disa kohë. Sot çmimi i arit është 39 mijë dollarë për kilogramë.
