Arrestohen 2 shqiptarë, tentuan të kalonin 1.3 kg heroinë në Greqi

Dy shqiptarë përfunduan në prangat e policisë greke në vendin e quajtur Kalpaki. Atyre u janë sekuestruar rreth 1.3 kg drogë e llojit heroinë, si dhe një sasi prej gjysmë kilogrami duhan, e kaluar kontrabandë përtej kufirit.

Sipas medieve greke, shqiptarët janë të moshës 27 dhe 49 vjeç, ndërsa emrat e tyre nuk bëhen të ditur. Ata u arrestuan nga departamenti i narkotikëve të policisë së Janinës në bashkëpunim me policinë kufitare të Konistsës.

LEXO EDHE  Raporti i DASH 2021: PPP dhe korrupsioni po pengojnë investimet amerikane në Shqipëri

Pas ndalimit të dy shqiptarëve, policia ushtroi kontroll të imtësishëm në automjet, duke gjetur drogën në pjesë e koskotit të automjetit.

Lënda narkotike ishte ndarë në dy pako e mbështjellë me shirit izolues. Shqiptarëve ju sekuestruan edhe 370 euro si dhe katër telefona celularë.

Të arrestuarit janë dërguar pranë prokurorisë së Janinës ku do të merren në pyetje.



PËRGJIGJU

Please enter your comment!
Please enter your name here