Një kallëzim i veçantë është dorëzuar ditën e djeshme në Komisariatin e Policisë së Gjirokastrës.
Salla Operative e këtij qyteti, e cila është struktura policore ku mund të raportohen veprat penale ose shqetësimet e tjera të qytetarëve, ka marrë telefonata te shumta shqetësuese që i ka penguar specialistët e zyrës.
Burime për Boldnews.al nga qyteti jugor nuk saktësojnë llojin e shqetësimeve që kanë shkaktuar këto telefonata, por kanë theksuar se po punohet për të identifikuar personin ose personat, të cilët duket se kanë gjetur vendin e gabuar për të luajtur me telefonata anonime.
Policia e Gjirokastrës po kryen veprimet hetimore për veprën penale të keqpërdorimit të thirrjeve telefonike.
