Në sulmet e 13 nëntorit në Paris, i mbijetuari i vetëm nga terroristët Salah Abdeslam, i arrestuar nga policia belge ka rrëfyer gjithçka përsa i përket se si u organizua sumi i Parisit, ku mbetën të vdekur 130 persona.
26- vjeçari Abdeslam ka treguar se ai kishte eksploziv në formë rripi ditën e sulmeve, por ndryshoi mendje në momentin e fundit dhe nuk e hodhi veten në erë.
“Mbrëmjen e sulmeve, isha në një makinë “Renault Clio” me Hadfi Bilal dhe dy persona të tjerë, të cilëve nuk ia dija rolin. Unë duhet të hidhja veten në erë në stadiumin “Stade de France” bashkë me shoqëruesit e mi. Por, ndërrova mendja kur parkova makinën”, tregon 26vjeçari.
Por, a hoqi dorë vërtetë apo pati probleme teknike? Është raportuar se, kushëriri i tij Abid Aberkan që u arrestua më 18 mars, ka deklaruar se, Abdeslam i ka thënë se nuk e hodhi veten në erë për shkak se bomba nuk shpërtheu.
Salah Abdeslam ka minimizuar rolin e tij në sulmet e 13 nëntorit, por ka pranuar se ka dhënë ndihmë logjistike. Ai ia ka hedhur pjesën kryesore të fajit vëllait të tij, Brahim. “Mora makinat me qira dhe prenotova hotelet për përgatitjen e sulmeve në Paris. E bëra këtë me kërkesë të vëllait tim Brahim. Çdo herë që paguaja për përgatitjen e sulmeve, paratë vinin nga Brahimi”, tregon Salah. Brahim Abdeslam hodhi veten në erë para një kafeneje në kryeqytetin francez, duke mos shkaktuar asnjë viktimë përveç vetes së tij.
