Korça dhe Gjirokastra po marrin masat në rast fluksi të refugjatëve sirianë përmes pikave kufitare të Kapshticës dhe Kakavijës.
Në Korcë pritet të ngrihen çadra në Drenovë dhe në ish repartin ushtarak të Bilishtit, në afërsi të Kapshticës.Kapaciteti pritës mendohet të jetë rreth 2 mijë persona gjithsej në të dyja vendstrehimet.
Ndërsa në Gjirokastër deri tani janë dy hapësira të mëdha, ku mund të ngrihen rreth 5 mijë çadra, të cilat mund të strehojnë mbi 10 mijë persona.
Zona e parë do të jetë aerodromi i Gjirokastrës ndërsa zona e dytë mendohet për një territor rreth ish-Brigadës së Këmbësorisë të Forcave të Armatosura në repartin e Gërhotit.
