Çdo ditë që kalon, fati i Champions League – në formatin aktual – duket se është i shkruar tashmë. Hipotezat në lidhje me një transformim të mundshëm janë shtuar, por ekziston një problem: diferencat mes protagonistëve janë shumë të mëdha. Nga njëra anë janë klubet në favor të krijimit të një formati që të mbrojë interesat e tyre (dhe që t’i pasurojë) akoma më shumë, nga tjetra skuadrat e tjera të Europës, me bindjen se formati aktual i Champions League është zgjidhja më “demokratike” e mundshme.
Në mes është edhe organizmi që do të duhet të marrë një vendin më fund, domethënë UEFA, gjithnjë dhe më shumë në presionin e drejtuesve të klubeve të mëdha, të cilët i tërheq shumë modeli i sistemit të mbyllur që ndiqet në kampionatet amerikane. Drejtuesit e klubeve kryesore të Premier League janë takuar për të diskutuar krjimin e një Super League Në këtë skenar të paqartë është shtuar, sot, teoria e “Guardian” për krijimin e dy “mini” Super League. E përditshmja angleze ka folur për një turn të parë me eliminim direkt ku 16 ekipe “big” do të përballen, në dy ndeshje (vajtje/ardhje), me fituesit e turnit eliminator paraardhës.
Kush kalon, do të bëhet pjesë e një prej dy grupeve me nga 8 ekipe (dy “mini” Super League), që do të zëvendësonin në këtë mënyrë 8 grupet aktuale me nga katër skuadra secili. Kështu, në start nuk do të jenë më 32 ekipe, por 16. Ky është skenari i mundshëm, mbi të cilin ka shumë dyshime dhe shumë pyetje si: 16 ekipet “big” do të jenë të parat në renditjen e UEFA-s, fituesit e kampionateve respektive apo çfarë? Më pas: me çfarë kriteri do të zgjidhen skuadrat, që nuk janë “big”, dhe që do të marrin pjesë në fazën para eliminatore?
Në fund, pas 14 ndeshjesh vajtje/ardhje, që do të përbëjnë kalendarin e çdo grupi, çfarë do të ndodhë? Fituesit do të sfidohen në finale apo do të kalojnë dy, tre apo katër ekipet e para? Më pas vijnë dyshimet, një nga të cilët ka të bëjë me faktin se në një grup me tetë ekipet disa prej këtyre mund të jenë jashtë çdo objektivi pas gjashtë/shtatë ndeshjeve të para dhe përballjet mes këtyre skuadrave nuk do të kishin asnjë interes. Për momentin është konfirmuar se formati aktual do të mbetet në fuqi deri në sezonin 2017/18 për të respektuar edhe marrëveshjet e bëra me televizionet e ndryshme, por është e qartë se në të ardhmen do të dëgjojmë shumë të flitet për Champions League-ën “e re”.
