Autoriteti i Konkurrencës prezantoi të enjten në auditorët e rektoratit të Universitetit të Tiranës, draftin e Politikës Kombëtare të Konkurrencës.
Pedagogë të Fakultetit të Ekonomisë dhe Drejtësisë, të pranishëm gjatë diskutimit publik, të këtij dokumenti, vunë theksin në rëndësinë e një tregu konkurrues, i cili gjeneron zhvillim dhe rrit mirëqenien e përgjithshme të shoqërisë.
Sipas ekspertëve të fushës, hartimi i politikës kombëtare të konkurrencës bazohet në ligjin “Për mbrojtjen e konkurrencës” dhe është detyrë e Autoritetit të Konkurrencës.
Sipas ketij drafti, misioni bazë i politikës së konkurrencës është të korrigjojë shtrembërimet e tregut, duke mbajtur parasysh konkurrencën e ndershme të tregut.
