Në sulmet terroriste që janë kryer të martën në Bruksel janë vrarë 31 persona ndërsa 270 janë plagosur ndërsa përgjegjësinë për këto sulme e ka marrë ISIS, shkruan The Guardian.
Ministri i Brendshëm dhe ai i Drejtësisë së Belgjikës kanë ofruar dorëheqjen e tyre për shkak të sulmeve të Brukselit, por që ato janë hedhur poshtë nga Kryeministri Charles Michel. Ministri i Brendshëm, Jan Jambon dhe Ministri i Drejtësisë, Koen Geens nuk kanë dhënë komente për këtë kërkesë të tyre.
Megjithatë, autoritetet belge po përballen me vështirësi të mëdha, pasi Turqia kishte thënë se ajo e kishte paralajmëruar Brukselin për terroristin Ibrahim El Bakraoui, i cili u konfirmua të ishte kamikazi që kryejti sulmin në aeroport të Brukselit.
Presidenti turk, Tayyip Erdogan ka thënë të mërkurën se Belgjika e kishte injoruar paralajmërimin e tij se ky person është një militant i Shtetit Islamik (ISIS).
