Patozi ironizon Veliajn për kapriçot e motit: “A do bjerë shi në Durrës”

Deputetit të Partisë Demokratike, Astrit Patozi i ka bërë përshtypje paralajmërimi i Erion Veliaj që u ka bërë kryeqytetasve që të kenë kujdes në orët në vazhdim nga moti i keq. Ai e ka pyetur se “A do të bjerë shi në Durrës”, me anë të një postimi në faqen e tij Facebook. “Pyetja e parë që të vjen në kokë është nëse kjo prognozë vlen vetëm për kryeqytetin apo do të shtrihet edhe me gjerë se kaq në Shqipëri. Fjala vjen, a duhet të ruhen njësoj prej motit të keq nesër edhe banorët e Durrësit, Elbasanit, Krujës apo Kavajës, për të mos shkuar më larg, në Vlorë, Lushnje, Lezhë apo gjetkë?”,  ka shkruar Patozi.

Postimi në Facebook i Astrit Patozit:

A DO BJERE NESER SHI NE DURRES?

Bashkia e Tiranës na paralajmëroi sot se nesër do të ketë shi me shtrëngata dhe se duhet të bëjmë kujdes se mos e pësojmë nga kapriciot e motit. Pyetja e parë që të vjen në kokë është nëse kjo prognozë vlen vetëm për kryeqytetin apo do të shtrihet edhe me gjerë se kaq në Shqipëri.
Fjala vjen, a duhet të ruhen njësoj prej motit të keq nesër edhe banorët e Durrësit, Elbasanit, Krujës apo Kavajës, për të mos shkuar më larg, në Vlorë, Lushnje, Lezhë apo gjetkë? Dhe, kur me rregull treshi, por dhe me një kërkim të thjeshtë në faqet e shumta ëeather në internet, rezulton që po aq të ekspozuar nga moti i keq do të jenë shumë zona të vendit, pyetja tjetër është se përse e bën Bashkia e Tiranës paralajmërimin?
Nëse ka vërtetë kaq rreziqe nga shirat e rrëmbyera apo përmbytjet, pse nuk del dikush nga qeveria e madhe, që ka përgjegjësi edhe përtej kufinjve administrativë të Tiranës, për të na “ndricuar”?
Përgjigjen ta jep Kongresi i fundit i Partisë Socialiste. I cili në mënyrë “surprizë” u hap nga kryetari i bashkisë së kryeqytetit, Erion Veliaj, me argumentin se kongresi zhvillohej në Tiranë dhe se atij i takonte t’i uronte mirëseardhjen mysafirëve. Sipas kësaj logjike, nëse kongresi i PS nuk do të shtyhej, por do të mbahej sipas statutit, në vitin 2013, atë do ta hapte Lulzim Basha, aso kohe kryebashkiak i Tiranës.

LEXO EDHE  Gjoba 110 milionë euro për Becchetin/ Tabaku: E barabartë me buxhetin e Bashkisë së Tiranës

Postimi ne Facebook i Erion Velisë:

Moti përkeqësohet nesër paradite.

Bashkia e Tiranës ka kaluar në gatishmëri.  128 për shërbimin Zjarrefikes dhe  0800-0888 për çdo rast tjetër ku lipset ndihmë ngaBashkia Tiranë! Na ndihmon nëse minimizoni levizjet, evitoni lumenjtë dhe kanalet kulluese!



PËRGJIGJU

Please enter your comment!
Please enter your name here