Pas sulmit në Bruksel kanë dalë dhe identitetet e para të viktimave dhe historitë tragjike të tyre. Dy vajza të vogla binjake kanë shpëtuar vetëm sepse kanë dalë jashtë aeroporitit për të luajtur, ndërsa nëna e tyre, brenda aeroporit ka vdekur. Pas vrapit të binjakeve jashtë aeroportit ka rendur pas tyre dhe babai i tyre, i cili i ka shpëtuar shpërthimit. Kjo është një prej historive tragjike të nënës së re Adelma Tapia Ruiz, e cila gjeti vdejken, por binjakët e saj 4-vjeçare shpëtuan.
Peruniania Adelma, 36 vjeçe, është e para që u identifikua zyrtarisht. Ajo jetonte në Bruksel prej 9 vjetësh me të shoqin Cristopher Delcambe, që u plagos si dhe me dy vajzat binjake, Maureen dhe Alondra. Maureen u plagos nga një copë predhe në kraha, kurse, Alondra nuk pësoi gjë.
Adelma ndodhej në aeroport për t’u nisur drejt Nju Jorkut ku e priste nëna e saj.
Vëllai i viktimës tha se vajzat binjake të çiftit kishin dalë duke luajtur jashtë terminalit, vendit të pritjes për të hyrë në avion dhe i shoqi i saj kishte rendur pas tyre kur ndodhi shpërthimi. Pas asaj që ngjau, ai nuk qe më në gjendje ta gjente gruan.
Adelma ishte një shefe kuzhine dhe kishte studiuar marketing. Ajo dëshironte të hapte një restorant perunian në Bruksel.
