Revista amerikane “Billboard” i ka kushtuar sot një artikull këngëtares dhe tekstshkrueses kosovare, Era Istrefi.
“Billboard” shkruan se Istrefi është artistja më e fundit që i është bashkuar kompanisë Ultra Music të Patrick Moxeyt.
Ky i fundit ka treguar se në kompani janë “fascinuar” kur e kanë dëgjuar këngën e Erës, “Bon Bon” në YouTube.
“Billboard” kujton se si Era është krahasuar me yjet si Rihanna, Sia dhe Major Lazer, kur njerëzit kanë dëgjuar zërin e saj.
“Është mirë që Rihanna dhe Sia janë pika reference, por ajo çfarë unë mendoj se e bën unike këtë këngë janë tiparet evropianolindore, pothuajse orientale”, ka thënë Moxey.
Atij i ka pëlqyer përzierja ndërmjet anglishtes dhe shqipes në këngë – ai e quan atë “vërtet speciale”, dhe të pakrahasueshme”.
“Jemi të vendosur të bëjmë një album… Ajo do të shkojë në Los Anxhelos në prill për të punuar me tekstshkrues të ndryshëm”, ka treguar Moxey.
(Boldnews)
