Policia e Gjirokastrës ka vënë në pranga një 23-vjeçar të akuzuar si bashkëpunëtor në vrasjen e Dorian Llukës dhe plagosjen e vëllait të tij Birbilit.
Strukturat e Drejtorisë Vendore të Policisë Gjirokastër kanë identifikuar dhe më pas arrestuar 23-vjeçarin Emiljano Vocka, banues në fshatin Humelicë.
Policia thotë se ky shtetas ka qenë së bashku me autorin e vrasjes në makinë, Enerik Lluka të cilit dyshohet se mund t’i ketë dhënë armën e krimit pistoletë. Ndërkaq po vazhdojnë kërkimet për kapjen e autorit kryesor të kësaj ngjarje. Të tre personat e përfshirë, autori, i plagosuri dhe viktima janë kushërinj me njeri-tjetrin dhe nipat e bashkëshortes së ish-kreut të komunës Lazarat, Dasho Aliko.
Ngjarja ndodhi pasditen e sotme pranë fshatit Andon Poçi të Gjirokastrës. Si autorët ashtu edhe viktima me të vëllain udhëtonin me automjete të ndryshme.
Mësohet se kanë qenë Birbil dhe Dorian Lluka që kanë ndaluar automjetin ku ndodhej Enerik Lluka dhe janë përleshur për shkak të një borxhi që autori i dyshuar u kishte vëllezërve Lluka. Pas kësaj 28-vjeçari ka qëlluar në drejtim të kushërinjve të tij, duke vrarë njërin dhe plagosur tjetrin.
(Boldnews)
DENONCO