Bombat e përdorura në 4 sulmet e sotme në Bruksel, kishin në përbërje gozhdë dhe copa xhami, që mendohet se kanë shërbyer për rritjen e fuqisë së shpërthimeve. Për këtë arsye, një pjesë e madhe të plagosurve kanë humbur gjymtyrët.
“Në sallat e operacioneve na u desh të bënim shumë amputime, për shkak të dëmeve të mëdha të shkaktuara nga gozhdët dhe copat e qelqit që përmbanin bombat”. Kështu deklaron përgjegjësi i Spitalit Universitar të Gasthuisberg në Lovanio, Marc Decramer, ku janë shtruar shumë prej të plagosurve të Zaventem.
Nga sulmet e sotme humbën jetën 31 persona dhe u plagosën 250 të tjerë, ndërkohë që bilanci sa vjen e rëndohet.
(Boldnews)
