Dasma, pagëzime, ditëlindje, festa të tjera të njëpasnjëshme dhe pyetja mbetet e njëjtë: Si të vishemi në një ceremoni festive?
Për t’i dhënë përgjigje kësaj pyetje mëposhtë keni një listë me këshilla.
Veshjet dhe aksesorët duhet të zgjidhet në varësi të kohës dhe llojit të ceremonisë.
Bizhuteritë duhet të jenë të koordinuara me fustanin. Nëse ju keni një dizajn të thjeshtë, bizhutëritë janë ato që duhet të bien më shumë në sy dhe e anasjellta.
Në mesin e aksesorëve për flokët, kapelet janë shumë në modë për festat gjatë ditës. Kurse për në mbrëmje, në vend të tyre mund të zgjidhni kapëse, kordele fine apo lule të vogla, të vendosura zakonisht në anën e djathtë.
Për festat që zhvillohen gjatë ditës këshillohet të vishen këpucë me takë të ulët, duke i lënë ato më takë të larta për mbrëmje. Mirë është të zgjidhni një model këpucësh, sa më të rehatshme të jetë e mundur. Nëse këpucët janë të reja, do të ishte e preferueshme që t’i veshni ato pak ditë përpara ceremonisë, në mënyrë që të përshtaten me këmbën. Një ide e mire është të mbani në makinë një palë këpucë reserve, në rast se ato të rejat ju vrasin.
Në qoftë se ju zgjidhni sandale, është e rëndësishme që këmbët tuaja të jenë të kuruara, në asnjë mënyrë me lëkurë të ashpër.
Kujdes getat. Ato vijojnë të kryesojnë në rregullat e mirësjelljes, por nëse nuk janë në masën dhe ngjyrën e duhur mund të japin efektin e kudnërt.
Çantat duhet të jenë me ngjyra të buta, krahu ose me zinxhir për ceremoninë e ditës dhe me xhevahir ose gurë të tjerë për ceremonitë në mbrëmje.
Rregulli i artë është: Manikyri duhet të jetë në kombinim me stinën dhe i sapo bërë, i kombinuar me fustanin apo këpucët.
Burimi: Dire Donna
(Boldnews)
