“Mëngjesi është vakti më i rëndësishëm i ditës”, ose të paktën kështu thuhet. Ekspertët kanë hulumtuar dhe kanë arritur në përfundimin se kjo thënie është e vërtetë.
Dietologia britanike, Chloe Miles, thekson se mëngjesi është një vakt i rëndësishëm që i jep trupit dhe mendjes energji për të filluar ditën dhe duhet të konsiderohet si një mundësi për të ushqyer trupin.
“Është e rëndësishme të mos anashkaloni ndonjë vakt, megjithatë mëngjesi duhet të sigurojë rreth 20 deri 25 për qind të kërkesave tuaja të përditshme ushqimore. Është shumë i rëndësishëm për të filluar ditën e prishur agjërimin e natës. Studimet e ndryshme kanë treguar se njerëzit që hanë mëngjes kanë tendencë që të ketë një dietë më të balancuar se sa ata që e anashkalojnë atë dhe kanë më pak gjasa të jenë mbipeshë”, shpjegon ajo.
Por çfarë duhet të hamë për mëngjes?
Më poshtë, Miles shpjegon se çfarë ju duhet të dini në lidhje me vaktin e parë të ditës.
Cilat grupe ushqimi duhet të përfshihen në mëngjes?
Vakti ideal duhet të përfshijë bukë integrale ose drithëra. Si burime të fibrës, ushqime të tilla mund të parandalojnë sëmundjet e zemrës, diabetit, disa lloje kanceresh, përmirësojnë shëndetin, ndihmojnë tretjen e ushqimit dhe zvogëlojnë rrezikun e obezitetit.
Mëngjesi është gjithashtu një mundësi e përkryer për të ngrënë një nga pesë frutat ose perimet, që ju duhet të synoni për të konsumuar në një ditë.
E njëjta gjë vlen edhe për kalciumin, që forcon kockat, dhe gjendet në qumësht dhe produkte të tij.
Dietologia Miles shton se mishi, peshku, veza ose fasulja mund të veprojnë si burime të rëndësishme të proteinave, të cilat do të ju bëjnë të ndiheni të ngopur për më gjatë.
Nuk kam shumë kohë, çfarë duhet të ha?
Nëse ju nuk jeni në gjendje që të gatuani në mëngjes, mund të përgatisni një ushqim me vlera të ulëta yndyre, krem djathi i mbushur me salmon te tymosur. Ky ushqim është shumë i shëndetshëm sepse përmban acide yndyrore omega 3, si dhe proteina.
Drithërat shërbehen me qumësht të skremuar ose gjysmë të skremuar, me një banane dhe janë një ushqim i shpejtë dhe i shëndetshëm për t’u kosnumuar në mëngjes.
Një ushqim i pasur me proteina dhe fibra janë vezët e skuqura me spinaq ose kërpudha dhe miell i pasitur, cka janë një tjetër alternativë e shëndetshme.
Dietologia thekson se ullinjtë nga Turqia, të cilet përmbajnë yndyrna të dobishme është provuar se ulin nivelet e kolesterolit dhe ulin rrezikun e sëmundjeve të zemrës dhe goditjeve në tru.
Mëngjesi japonez me peshk shpeshherë është vlerësuar, sepse ka pak yndyrë.
Burimi: The Independent
