Dortmund “përmbys” Augsburg, kthehet 5 pikë larg Bayern

Borussia e Dortmund nuk ka ndërmend të dorëzohet. Lojtarët e Tuchel kanë marrë fitoren e 20-të në këtë kampionat të Bundesliga pasi kanë mundur 3-1 Augusburg dhe
vazhdojnë të mbajnë akoma hapur luftën për titull, duke e kthyer në vetëm pesë pikë diferencën me kryesuesit e Bayern Munich. Ajo e sotmja ka qenë një fitore me përmbysje për verdhezinjtë, të cilët kanë kaluar në disavantazh në minutën e 16-të të pjesës së parë kur Finnbogason ka shënuar për vendasit.

Kundërpërgjigja e miqve ka ardhur në minutën e fundit të 45 minutave të parë kur Mkhitaryan ka kthyer ndeshjen në ekuilibër. Përmbysja është kompletuar në pjesën e dytë me Castro, i cili ka çuar shifrat në 2-1 në minutën e 69-të, para se Ramos të siguronte tri pikë në minutën e 75-të. Borussia e Dortmund nuk humb në kampionat prej dhjetë ndeshjesh.

LEXO EDHE  Kualifikimi historik i Laçit, presidenti Meta uron kurbinasit: Ekip fantastik dhe me karakter!

Augsburg-Borussia Dortmund 1-3

Shënues: Finnbogason 16’/Mkhitaryan 45’, Castro 69’, Ramos 75’

Augsburg: Manninger, Max, Klavan, Gouweleeuw, Verhaegh, Baier (Feulner 46’), Hong, Caiuby (Esswein 89’), Koo (Bobadilla 78’), Kohr, Finnbogason. Trajner: Weinzierl.

Borussia Dortmund: Burki, Durm, Hummels, Sokratis, Piszczek, Sahin (Passlack 68’), Weigl, Kagawa (Leitner 62’), Reus (Castro 46’), Ramos, Mkhitaryan. Trajner: Tuchel.

Gjyqtar: Dingert

Kartonë të verdhë: Caiuby, Gouweleeuw, Kohr, Klavan/Mkhitaryan



PËRGJIGJU

Please enter your comment!
Please enter your name here