Zyra e PR në kryeministri, është kujdesur që intervistat me eurosocialistët e Parlamentit Europian por edhe me zyrtarë të tjerë të huaj, të japin vlerësime maksimale për Edi Ramën.
Ndjekim poshtë disa nga fjalimet e antarëve të Partive Socialiste Europiane.
“Përgëzimet e mia pë Edi Ramën, lideri vizionar. Po përmbush axhendën europiane. Rama ka një dimension të ri, po bashkon rajonin.” – u shpreh Hanes Svoboda.
“Kam besim në lidershipin e Edi Ramës. E ka treguar se është kryeminister i zoti. Ka personalitet, kurajoz dhe i përkushtuar.”-deklaroi ish kryeministri austriak Alfred Gusenbauer.
“Lidershipi i Edi Ramës po i jep Shqipërisë një shtysë të rëndësishme. Vendi po bën progres hap pas hapi. Duam të shohim Shqipërinë në BE dhe nuk kam asnjë dyshim.”- deklaroi ish kryeministri Britanik Tony Blair.
“Lavdëroj Edi Ramën, për çdo gjë qe ka bere për të modernizuar dhe për të sjellë dinamika të reja. Kujtoj punën që bëri në Tiranë kur ishte kryetar bashkie, e transformoi, puna e tij po vijon, tani po modernizon Shqipërinë. – ishte mesazhi i Stanishev, Presidenti i Partive Socialiste Europiane
Kongresi i PS-së u përshëndet nga Presidenti i Parlamentit Europian Martin Shultz përmes një videomesazhi:
“Duhet të tregojmë shumë kujdes që kriza të mos pengojë stabilitetin në rajon. Kur isha në Shqipëri pashë me sytë e mi arritjet mbresëlënëse por mos harroni se reformat janë ende për tu bërë. Keni mbështetjen e BE. Lavdëroj punën e Edi Ramës”
