Diego Simeone u ankua për kalendarin e La Liga për humbjen që pësoi Atletico Madrid, 2-1 ndaj Sporting Gijon.
Pasi kishte nevojë për 11-metërshat, që të kualifikohej ndaj PSV Eindhoven në Champions League, ditën e martë, Atletico Madrid luajti katër ditë më vonë, ndërsa rivalët, Barcelona dhe Real Madrid do të luajnë të dielën.
Atletico Madrid shënoi e para në “El Molinon”, falë golit të 17-të të Antoine Griezmann në La Liga, por Gijon përmbysi gjithçka me anë të Antonio Sanabria dhe Carlos Costa. Antonie Griezmann shënoi golin e avantazhit për Atletico Madrid
Në konferencën për shtyp pas ndeshjes, trajneri i Atletico Madrid, Diego Simeone, deklaroi: “Ne duhet të luajmë në orën 16:00, të parët e javës, sepse duan të na shohin në Kinë. Atëherë jam i lumtur që na panë në Kinë. Kjo nuk dua që të duket si një justifikim. Ne e dimë që kjo humbje cenon shanset tona në La Liga. Megjithatë në fillim të sezonit kishim si objektiv arritjen në vendin e tretë të La Liga dhe në çerekfinalet e Champions League. Tani gjithçka tjetër do të ishte një bonus.”
Simeone përgëzoi skuadrën e Sporting Gijon Më pas, Simone tregoi anën tjetër të medaljes: “Më duhet t’i përgëzoj futbollistët e mi për mënyrën si u impenjuan. Ne dhamë gjithçka që kishim, por në dhjetë minuta Sportingu, që ka futbollistë shumë të mirë, na ushtroi presion. Faktikisht patën edhe pak fat, por mendoj se po luajtën gjithmonë si sot do të qëndrojë në La Liga.” Atletico Madrid e vendit të dytë ka tetë pikë më pak se Barcelona kryesuese e La Liga, që ka luajtur një ndeshje më pak…
