Princi i Wellsit, Charles, bashkë me dukeshën Cornwll, sot pasdite do të mbërrijë në Kosovë, ndërsa nesër do të fillojnë vizitën zyrtare.
Ai do të takohet me presidenten Jahjaga, ku edhe do të bëjë homazhe në Memorialin “Heroinat”, pastaj do të ketë një pritje nga Ambasada Britanike në Kosovë. Ai do ta vizitojë edhe KFOR-in, si dhe do të jetë i pranishëm në një konferencë ndër-fetare.
Me vizitën në Kosovë, Charles dhe dukesha Cornwll përfundojnë turneun e tyre gjashtë ditor në shtetet e Ballkanit.
Princi i Wellsit, Charles dje ka mbajtur sot një fjalim në Parlamentin e Serbisë, ku ndër të tjera ka folur për pajtimin në rajon.
“Gjurmët dhimbshme të historisë duhet të njihen dhe të pranohen por problem mbetet se si të tejkalohen: Me dialog, sport, drejtësi për viktimat e dhunës, programe shkollore. Kur flasim për historinë, ajo duhet të bëhet me sinqeritet”, tha Princi Charles.
(Boldnews)
