Vogëlushi 11-vjeçar Kristi Maze nuk mundi të mbijetonte. Ai ka ndërruar jetë gjatë operacionit të transplantit të mëlcisë në spitalin “Papa Giovani 23”, në Bergamo.
Operacioni i tij, zgjati 12 orë dhe per shkak të komplikacioneve, fëmija kaloi në gjendje kome dhe mëngjesin e sotëm ia ka ndërruar jetë.
Të kontaktuar nga News 24 prindërit e vogelushit që iu referohen mjekëve, pohuan se trupi i tij nuk e ka pranuar organin duke e flakur atë, megjithë përpjekjen e mjekëve për ta mbajtur ne jete. Gjithashtu operacioni është shoqëruar edhe me trompozim të disa eneve te gjakut. Më herët mjekët kishin analizuar disa oragane te dhuruara, por asnjë prej tyre nuk kishte perputhshmëri per t’u transplantuar. Sipas procedurave, rasti po hetohet nga karabinieret e Bergamos per të zbardhur plotësisht ecurinë e operacionit.
11- vjeçari i ishte nënshtruar një nderhyrjeje me sonda para transplantit, teknikë permes se ciles mjeket italiane zëvendësuan venën e bllokuar me një enë artificiale.
Pas operacionit të parë fëmija pati një përmirësim të dukshëm të fizikut, aq sa mjekët u binden që ai mund t’i nënshtrohej transplantit, me besim tek një sukses i mundshem. Kjo edhe per faktin se gjate viteve te fundit ne te njejtin spital jane kryer me sukses 7 transplante të mëlçisë tek fëmijë shqipetare.
(Boldnews)
