Dëbimi i aktivistit nga Shqipëria, Rama e Bushati i mbyllin telefonin Albin Kurtit

Arrestimi dhe deportimi nga Kosova i Boiken Abazit, sekretarit për Marrëdhëniet me Jashtë në Vetëvendosje, ka angazhuar përfaqësues të lartë të kësaj partie për të kërkuar shpjegim dhe ndihmë edhe nga Tirana zyrtare, duke qenë se Abazi është shtetas i Republikës së Shqipërisë.

Por burime të Lapsit thonë se kryeministri Rama dhe ministri i Jashtëm, Ditmir Bushati nuk i kanë hapur telefonin kreut të Vetëvendosjes, Visar Ymeri e as themeluesit të saj, Albin Kurti.

Ndërkohë që ambasadori shqiptar në Prishtinë, Qemal Minxhozi u thotë “do të interesohem”, ndërsa një muaj më parë kishte siguruar përfaqësues të Vetëvendosjes se asgjë s’kishte për t’i ndodhur aktivistit të tyre nga Tirana.

LEXO EDHE  Vendim jo unanim për konfirmimin në detyrë të gjyqtares Alma Kolgjoka/ Përplasjet në KPA

Dje Boiken Abazi u arrestua nga policë civilë, pa asnjë mandat arresti apo urdhër prokurorie dhe iu komunikua dëbimi nga Kosova dhe moshyrja në këtë vend për një periudhë 2-vjeçare. Skandali thellohet edhe më tej pasi Abazit nuk i është komunikuar asnjë akuzë dhe ndaj tij s’është hapur asnjë proces gjyqësor.

Nga ana tjetër situata është absurde pasi që prej vitit 2014, asnjë qytetar i Republikës së Shqipërisë nuk ka nevojë për leje pune apo leje qëndrimi në Kosovë.

(Boldnews)



PËRGJIGJU

Please enter your comment!
Please enter your name here