Tirana është tronditur mbrëmjen e sotme nga dy shpërthime të fuqishme të cilat kanë alarmuar Policinë e Shtetit. Sipas të dhënave të para shpërthimet kanë ndodhur në rrugë ‘5 Maji’, pranë tregut të madh.
Fillimisht një ekskavator të cilit dyshohet se i ishte vendosur eksploziv ka marrë flakë e më pas ka shpërthyer edhe një kabinë elektrike.
E tërë zona është rrethuar nga forcat e policisë e cila ka nisur hetimet ndërsa banorët janë udhëzuar të mos lëvizin nga banesat e tyre.
Mësohet se ekskavatori gjendej pranë një kantieri ku po ndërtohet një qendër tregtare dhe se i ishte vendosur një sasi tritoli. Shkak përkëtë ngjarje dyshohet se është konflikti i pronarëve të tokës me ndërtuesit. Fatmirësisht nuk ka pasur persona të lënduar por vetëm dëme materiale.
(Boldnews)
