Bayern Munich – Juventus, një finale në mes të marsit…

Bayern Munich dhe Juventus janë liderë absolutë në ligat e tyre përkatëse, në vitet e fundit, teksa do të përplasen sonte në “Allianz Arena” në një duel, që ngjason me një finale të parakohëshme. Bardhezinjtë kanë shkuar në Mynih me besim të paprekur, pasi qenë në gjendje që të rikuperojnë disavantazhin 0-2 ndaj ekipit të Guardiolës, në sfidën e parë të 1/16 finale të Ligës së Kampioneve. Pep Guardiola, trajneri spanjoll i Bayern Munich Bayern Munich, së bashku me faktorin-fushë, ku ka humbur vetëm një lojë në këtë sezon, do të përpiqet për të përsëritur shfaqjen e treguar në ndeshjen e parë, në Torino, por pa gabimet mbrojtëse të gjysmëorës së fundit. Detyra për Juventusin paraqitet komplekse. Kampionët e Italisë kanë statistika të varfëra në Mynih, ku nuk kanë fituar, duke i shtuar kësaj edhe lëndimet e papritura të lojtarëve titullarë. Masimiliano Allegri, trajneri i Juventusit Sa për skemën që mund të përdorë Allegri, ajo është ende e panjohur. Pas testimit të Daniele Ruganit kundër Sassuolos, Barzagli dhe Bonucci me të, nuk është e përjashtuar mundësia për të luajtur me tre qendra në mbrojtje, edhe pse duket se opsioni i zgjedhur do të jetë fillimi me modulin 4-4-2, me Hernanes në vend të Marchisio dhe Morata në vend të Dybala, si të vetmet ndryshime. Në lidhje me Bayern Munich ka pak dyshime. Me përjashtim të Boateng, Badstuber dhe Javi Martinez, Guardiola ka për herë të parë në një kohë të gjatë, pothuajse të gjithë grupin e lojtarëve të tij në dispozicion. Ka gjithçka për të formuar të njëjtin formacion që përdori edhe në Torino, me pikëpyetjen e vetme nëse Thiago dhe Alonso do të shoqërojnë Vidal në mesfushë.