Shoqata islamike në një universitet prestigjioz në Angli është vendosur përballë kritikave të shumta pasi ka zhvilluar një mbrëmje gala kur burrat dhe gratë ishin të ndarë nga njëri-tjetri nga një perde që ishte vendosur në mes të sallës.
Studentët myslimanë të London School of Economics u detyruan të blinin bileta të posaçme për darkën e përvitshme në varësi nëse ishin “vëlla” apo “motër” e komunitetit.
Kur shkuan në event, në një banket të madh në qendër të Londrës, kishte një perde të madhe që i ndante tryezat e burrave nga ato të grave, duke e bërë të pamundur për të ftuarit që ta shihnin njëri-tjetrin.
Biletat për mbrëmjen e shoqatës islamike te Grand Connaught Rooms, pranë universitetit në Holborn, u shitën pasi u reklamuan online për 20 sterlina secila.
(Boldnews)
