Një djalë 3 vjeçar nga qyteti i Kukësit lufton për mbijetesë pasi familja e tij e varfër nuk mundet që ta kurojë. Elvisit i duhet përcaktuar diagnoza dhe më pas të marrë mjekimin e duhur. Edhe pse familja nuk kishte mundësi finacnciare, ata e dërguan 3 vjeçarin në Gjermani. Spitali atje u kërkoi 8 mijë euro për mjekim, ndërkohë që jeta e fëmijës mbetet në dorë të fatit.
Elvis Rrahmani rreth 3 vjeç nga qyteti i Kukësit ka nevojë për një trajtim të përgjithshëm mjekësor kryesisht jashtë vendit për të mësuar diagnozën e sëmundjes. Për të mësuar sëmundjen, që nisi prej moshës pesë muajshe, nëna e djalit, Zelia, sëbashku me bashkëshortin morën iniciativën për tu nisur drejt Gjermanisë por pa ia arritur të gjejë shkakun e përkeqësimit të shëndetit të fëmijës pasi kontrolli i përgjithshëm kushtonte 8500 euro. Në pamundësi për të bërë këtë pagesë, familja Rrahmani është detyruar të kthehet përsëri në Kukës. Nëna bën apel që ta ndihmojnë pasi gjendja shëndetësore e fëmijës po përkeqësohet çdo ditë dhe nëse nuk do të bëhet mjekimi i duhur fëmijës i rrezikohet jeta.
Prindërit e Elvisit nuk ka asnjë të ardhur veç KEMP-it dhe ndihmës ekonomike që marrin dhe nuk kanë mundësi të paguajnë për çdo muaj ilaçet dhe kërkojnë që tu kompensohen. Jeta e Elvisit, kufizohet mes mureve të banesës dhe shtratit pasi ai nuk mund të lëviz e as të flas. Ai jeton bashkë me dy prindërit e dy motrat e vogla që nuk kanë mundësi t’i sigurojnë një jetë normale fëmijës së tyre.
