Policia belge është qëlluar me kallashnikov gjatë një kontrolli në Bruksel, në lagjen Forest, ku po kryente hetime mbi sulmet terroriste në Paris më 13 nëntor.
Personat e armatosur të cilët qëlluan (të paktën dy) dhe u arratisën nga tarracat e banesave. Ndërkaq mësohet se 4 policë kanë mbetur të plagosur nga të shtënat. Zona është mbyllur plotësisht për publikun dhe trafikun.
Nga agjentët e plagosur, është kapur nga plumbat në kokë dhe në vesh dhe është në gjendje të rëndë në spital. Në zonë ndërkohë vijojnë të qëndrojnë persona të forcave speciale belge: me fytyra të mbuluara, po e kontrollojnë zonën në kërkim të të arratisurve. Në vend janë edhe mjete të zjarrfikëseve dhe ambulanca, ndërsa lagjja është izoluar tërësisht.
Në operacion, konfirmoi ministri i brendshëm i Francës, Bernard Cazeneuve, kanë marrë pjesë edhe disa policë francezë.
Siç kishte ndodhur në disa raste atentatesh në Francë, edhe në Bruksel autoritetet kanë kërkuar të mos shpërndahen imazhe direkte për të mos ndihmuar të arratisurit duke i njoftuar për lëvizjet e policisë.
(Boldnews)
