Udinese shkarkon trajnerin Colantuono

Udinese ka shkarkuar ditën e sotme trajnerin e tyre Stefano Colantuono, pas një ecurie të dobët me vetëm një fitore në 11 ndeshje të Seria A, teksa janë vetëm katër pikë larg zonës së ftohtë në tabelën e renditjes. Ekipi i “Friuli-t” sezonin e kaluar e përfundoi kampionatin në vendin e 16-të nën urdhrat e Andrea Stramaccioni, i cili më pas u zëvendësua nga Colantuono në fillim të sezonit aktual. Gjithsesi, Udinese ndodhet sërish në vend të 16-të, çka detyroi klubin të merrte masa. Colantuono nuk ka arritur t’i japë suksesin e menduar Udinese-s Klubi nxori edhe një deklaratë për shtyp: “Udinese Calcio ka lajmëron shkarkimin e trajnerit Stefano Colantuono dhe stafit të tij nga detyra. Udinese Calcio kërkon ta falënderojë trajnerin dhe stafin e tij për përkushtimin dhe profesionalizmin e treguar në këto muaj, duke i uruar fat të mbarë në karrierën e tyre.”