Ish-kryeministri Sali Berisha ka postuar në rrjetin social “Facebook” denoncimin e radhës të “qytetarit dixhital”. Berisha ka postuar një foto në bregdetin e Himarës, ku sipas denoncuesit, deputeti i PSsë, Koço Kokëdhima po vazhdon betonizimin e bregut dhe kësaj here sipas tij mu pranë ujit.
POSTIMI I BERISHËS
Qytetari dixhital informon: kusar Kokëdhima vazhdon betonizimin e bregut të Himarës!
“Përshëndetje z. Berisha. Po ju nis këtë foto në të cilën tregohet një tjetër ndërtim i paligjshëm Kusar koços në Himarë.
Në këtë zonë ku tani buzë uji po hidhet beton ndodhej një objekt ekzistues qysh i kohës së komunizmit dhe më pas ai objekt me privatizim ju dha familjes Beno. Para disa muajsh me ndërhyrjen direkt të Koço Kokëdhimës objekti i familjes Beno u shemb në mënyrë abuzive.
Koço dhe Edvini e paraqitën shembjen sikur u bë sepse kish nevojë për heqjen e barrierave pranë detit. Por veç një vit më pas ne banorët e Himarës po shohin themele të reja mu buzë detit. Duke vjedhur dhe prishur pronat private, uzurpatorët e rinj po ndërtojnë objektet e tyre mu në det për kusarët e pushtetit. Ju lutem paraqiteni këtë abuzim të rëndë por më ruani anonimatin!”
ps: Në foto, përveç betonizimit që shtrihet gjerë buzë ujit, duket mirë dhe njëra nga kullat binjake shumëkatëshe që kusar Kokëdhima ndërtoi në Himarë gjatë qeverisjes socialiste të qytetit 14 vjet më parë! (shënimi është i imi) sb
(Boldnews)
