Ish-sulmuesi i famshëm anglez Gary Lineker është i sigurt se Gareth Bale do të bëhet lojtari kryesor i Real Madrid në momentin që Ronaldo largohet nga “Bernabeu”. Mesfushori nga Wales është nën hijen e Ronaldo-s që kur iu bashkua ekipit spanjoll në vitin 2013, por Lineker ka besim se 26-vjeçari do të shkëlqejë në një të ardhme të afërt. “Bale është një lojtar shumë i talentuar,” shprehet Lineker për të përditshmen spanjolle AS. “Por do të ngelet në hije deri sa Ronaldo të jetë akoma aty, si të gjithë lojtarët e tjerë.” “Mendoj se është fantastik kur luan për Wales sepse është lojtari kryesor dhe ai shpreh këtë, ai e shijon. Gjë që nuk mund ta bëjë akoma te Real sepse ata kanë një super yll në ekip që njihet botërisht dhe ai do të jetë gjithmonë lojtari kryesor. Nëse Cristiano do të dëmtohej, nuk do të habitesha nëse Bale do të bëhej lojtari kyçi ekipit. Mendoj se e ka aftësinë dhe besimin e duhur.” Bale ka shënuar 14 gola në 16 ndeshje në La Liga gjatë këtij sezoni.
“Bale do të shkëlqejë te Real Madirid kur të largohet Ronaldo”
Lajme të lidhura
TË GJITHA
