Mësuesi “pijanec” pasi kërkon konjak në polici mohon rrahjen e 12 nxënësve

Mësuesi i cili akuzohet se rrahu me dru zjarri 12 nxënës e ka mohuar situatën e ndodhur në shkollën 9­vjeçare në Orzhanovë të rrethit të Bulqizës. Gjatë seancës së pyetjeve nga policia mësuasi 63-vjeçar Agim Muça u ka kërkuar policëve pije alkolike. “Më jepni një gotë konjak” mësohet nga burime konfidenciale të ketë thë mësuesi Muça.

Ai ka thënë se nuk i ka rrahur nxënësit, madje ka deklaruar se i donte shumë ata. “Unë nuk i kam rrahur kurrë nxënësit e mi. I kam dashur dhe vlerësuar si fëmijët e mi. Gjithçka është sajesë nga kushërinjtë e mi. Me njërin prej kushërinjve kam pasur një konflikt të vjetër pronësie”.

LEXO EDHE  30 sekonda që shembën 30 vite batërdi ndërtimesh dhe korrupsion

63­vjeçari ka thënë se nuk e ka goditur as vajzën e mitur, e cila sipas mjekëve ka pësuar hematoma në kokë. “Mjekësia ligjore duhet të përcaktojë se çfarë ka vajza, pasi unë nuk e kam rrahur”, është shprehur Muça.

Nga ana tjetër, drejtori i shkollës ku ndodhi ngjarja ka thënë se dje mësimi ka vijuar normalisht dhe se kanë emëruar një mësues tjetër në vend të 63­vjeçarit që ka përfunduar në pranga.

PËRGJIGJU

Please enter your comment!
Please enter your name here