Një sherr mes stafit pedagogjik në shkollën industriale të Fierit ka shkaktuar jo pak trazira tek nxënësit. Mësohet se nëndrejtoresha e shkollës së mesme profesionale “Petro Sota” ka goditur drejtoreshën e kësaj shkolle pas një sherri mes tyre.
Policia zyrtarisht pohon se ditën e djeshme ka nisur procedimin ndaj shtetases me iniciale J.M., 34 vjeçe, banuese në lagjen “Kastrioti” Fier, me detyrë Nëndrejtoreshë e Shkollës së Mesme Profesionale “Petro Sota” Fier.
Sipas policisë, 34-vjeçarja rreth orës 10:30 të ditës së djeshme për motive të dobëta ka goditur shtetasen K.N., 36 vjeçe, banuese në Fier, me detyrë Drejtoreshë e kësaj shkolle. Ndërkaq policia po punon për zbardhjen e plotë të rrethanave të ngjarjes.
(Boldnews)
