Nuk ndalen protestat e banorëve që preken nga ndërtimi i Bulevardit të Ri. Ata kanë dalë në orët e vona të së mërkurës pas kundërshtisë së kërkesave të tyre. Madje ata i kanë bërë thirrje edhe ambasadorit Donald Lu që të kenë një strehë.
Ata kërkojnë që në vendin e tyre ku kanë shtëpinë, Bashkia e Tiranës të ndërtojë pallate e të strehohen dhe nuk duan kompesim. Kjo kërkesë e tyre nuk është pranuar ndaj ata kanë dalë në protestë dhe paralajmërojnë flijim.
Njëri nga banorët, i cili ka qenë edhe përfaqësuesi i tyre në negociatat me Bashkinë e Tiranës i bëri një lutje të veçantë ambasadorit gjerman.“I bëj thirrje ambasadorit gjerman: Zotëri i nderuar na merr 5 vjet në Gjermani me kontrata punë sa të bëjmë lekët për të blerë shtëpi dhe do kthehemi përsëri”, tha ai.
Më pas iu drejtua shtetit shqiptar. “Po strehon sirianë, po strehon shtresa në nevojë, po strehon jevgjit dhe po na nxjerr ne nga shtëpia”, tha ai me një fjalor jo të përshtatshëm. “Ne jemi 300 njerëz të dëshpëruar këtu që kemi humbur logjikën dhe 300 spartanët nuk janë asgjë para nesh”, tha ai duke paralajmëruar vetëflijim.
Protesta e orëve të vona vjen pas asaj të mëngjesit ku banorët kanë vendosur të mos heqin dorë.
(BoldNews)
