Autostrada Tiranë Durrës cdo ditë po merr jetë njerëzish. Shkak kryesor për këtë është bërë mungesa e mbikalimeve në zonat e banuara. Gjendja duket shumë më e rëndë në segmenti Plepa-Rrogozhinë. Banorët kërkojnë ndërhyrje, pasi sipas tyre s’kan zgjidhje tjetër vecse të kalojnë përmes autostradës.
Jo më larg se një ditë më parë, këtë të martë një kalimtari iu shua jeta teksa përfundoi nën rrotat e makinës në tentativë për të kaluar nga njëra anë e rrugës në tjetrën. Në gjatësinë e këtij aksi janë të pakta mbikalimet dhe ato nuk i shërbejnë të gjithë banorëve. Këto mbikalime mungojnë në shumë pika ku janë të domodoshme për shkak të numrit të madh të banorëve të cilët jetojnë në qytetet dhe fshatrat përgjatë autostradës.
Banorët për cdo ditë rrezikojnë jetën për të kaluar rrugën, për të shkuar në punë, nxënësit për në shkollë, e të tjerë për të shkuar në stacionet ku që qëndrojnë autobuzat urbanë apo furgonët e tranportit drejt Tiranës, apo Durrësit. Ata janë të detyruar shpesh herë që të kalojnë mes përmes autostradës. Gjendja duket shumë e rëndë në zgjatimin e autostradës në segmentin Plepa –Rrogozhinë.
Si pasojë e mungesës së mbikalimeve në përpjestim të drejtë me numrin e banorëve që jetojnë në këto zona, janë dëmtuar edhe elementët e sigurisë mbi trafikndarëse. Ata kanë improvizuar objekte apo shkallë për të kaluar pengesat.
