Kreu i Partisë Bashkimi për të Drejtat e Njeriut ka shpërthyer në akuza të ashpra ndaj deputetit Erion Braçe dhe kryeministrit Edi Rama.
Ai theksoi se me firmën e tij, njerëz të inkriminuar janë futur në Parlament, ndërsa dy vjet e gjysmë në pushtet, qeverisë i ka humbur kauza.
“Kur isha në aleancë opozitare me ish-kreun e opozitës dhe kryetarin aktual, opozita e atëhershme bojkotoi shumë seanca. Pavarësisht luajitetit, nuk bojkotova seancat parlamentare. Prania është domosdoshmëri. Çfarë po ndodh? Ndodh që në këtë Parlament kolegët e Partisë Socialiste, pranon tezat totalitare. Secili ka përgjegjësinë e firmës së vet. Kemi një klasë politike të kriminalizuar dhe një sistem drejtësie të korruptuar. Është koktejli më i rrezikshëm për fatin e një vendi. Ka shumë gjëra zoti Kryeministër që janë të ligjshme por nuk janë të moralshme. Fatkeqësisht, qeveria e sotme është një dështim. Në Parlament, në qeveri dhe njësitë vendore ka elementë të kriminalizuar. Nuk mund t’i fshehni pasi ju i keni futur me firmën tuaj. Keni humbur dhe keni konsumuar në dëm të Partisë Socialiste kauzën që jua besoi juve. Kishte opozita superioritet moral. Për dy vjet e gjysmë e humbët këtë idjonomi morale me aferat tuaja.” – deklaroi kreu i PBDNJ.
Në debat e sipër, nga salla vjen reagimi i Erion Braçes, por Dule i tha: Zoti Braçe nuk keni pse bëni konen?!”
I menjëhershëm ishte reagimi i deputeti socialist duke e cilësuar si tradhëtar të shqiptarëve.
“Halli i tij lidhet me ato që janë publikuar sot në media. Unë dhe zotëria kemi konsumuar qetësisht ide dhe debat. Por kurrë nuk i kam thënë qen këtij zotërisë. Dhe unë kam folur në Parlament përpara se ky zotëria të fliste shqip. Cilido që bën zgjedhjen e tij të dalë nga një qeveri në opozitë, e ka të drejtë të shkojë. Këta mund ta shpallin çfarë të duan…edhe hero. Por hero të Shqipërisë jo.”– u shpreh Braçe.
Në krah të deputetit socialist u rreshtua edhe kryeministri Rama.
“Është sikur të thuash kone e Greqisë, bëhu me PS e do të bëj mik me Idrizin”- u shpreh Rama.
Por kreu i qeverisë kërkoi të prekte Vangjel Dulen duke i rikujtuar marrëveshjen detare me Greqinë.
“Nuk thashë jemi të gjithë bashkëfajtorë. Thashë jemi të gjithë kriminelë, dhe unë I pari, kriminelë të trajtuar sit ë tillë për vite e vite të tëra. Marrëveshja e detit është një tradhëti. Greqia në Tiranë gjeti ca kokrra tradhëtarësh. Vangjel ke humbur gjithçka. “- deklaroi kryeministri Rama i cili ftoi në mënyrë ironike Dulen për tu antarësuar në PS.
