Shumica e grave dhe vajzave sot festojnë për 8-marsin, por një pjesë e tyre që janë paciente tek Spitali Onkologjik pranë QSUT, kanë zgjedhur të protestojnë.
Gratë paciente në këtë ditë të shënuar kanë ngritur zërin për mungesën e ilaçeve për mjekimin e tyre.
Në shërbimin Onkologjik në QSUT janë me dhjetëra gra dhe vajza që zhvillojnë betejën e tyre për jetën, në kushtet kur mungon mjekimi bazë, për kimioterapinë.
Ndërkohë kur këto mjekime mungojnë, ndryshe nga qindra e mijëra gratë e tjera anë e mban vendit pacientet e Onkologjikut kanë zgjedhur, jo të festojnë, por të protestojnë sot.
“Kam një vit e gjysmë që e kuroj. Nuk ka dhënë rezultat. Kam bëtë mjekime, tre cikle. ciklin e dytë e kam blerë komplet vetë. Shteti s’ka pasur ilaçe. I kam marrë vetë, privatisht. Nuk ka faj mjeku, kur s’ka, s’ka”, shprehet babai i një vajze të shtruar në Spitalin Onkologjik.
Në depon farmaceutike të QSUT mungojnë citostatikët, por situata jashtë spitalit është krejt ndryshe ku çdo farmaci ta ofron këtë barn.
